| ទស្សនកិច្ចរបស់រដ្ឋមន្រ្តីការបរទេសថៃថ្មីនៅប្រទេសកម្ពុជា ខណៈកំពុងមានវិបត្តិព្រំដែន |
| ដោយ ដួង សុខា | |
| ០៩-០១-២០០៩ |
លោកកាសិត ពៀរ៉ុមយ៉ា (Kasit Piromya) រដ្ឋមន្រ្តីក្រសួងការបរទេសថៃនឹងដឹកនាំគណៈប្រតិភូមួយក្រុម មកបំពេញទស្សនកិច្ចនៅប្រទេសកម្ពុជា ចាប់ពីថ្ងៃទី២៥ ដល់ថ្ងៃទី២៦ ខែមករា។ បើតាមប្រសាសន៍របស់លោកកុយ គួង អនុរដ្ឋលេខាធិការ និងជាអ្នកនាំពាក្យក្រសួងការបរទេស អតីតឯកអគ្គរាជទូតថៃប្រចាំសហរដ្ឋអាមេរិករូបនេះនឹងជួបពិភាក្សាជាមួយសម្តេចនាយករដ្ឋមន្រ្តីហ៊ុន សែន បន្ទាប់មកជួបជាមួយសមភាគីរបស់លោកគឺលោកហោ ណាំហុង រដ្ឋមន្រ្តីការបរទេសនៃព្រះរាជាណាចក្រកម្ពុជា។
លោកអនុរដ្ឋលេខាធិការបានបញ្ជាក់ថា «ជាទំលាប់ រដ្ឋមន្រ្តីការបរទេសដែលទើបនឹងតែងតាំងថ្មី ត្រូវបង្ហាញខ្លួននៅតាមបណ្តាប្រទេសជាសមាជិកអាស៊ានផ្សេងទៀត។ ក្រៅពីនេះ ជម្លោះព្រំដែនរវាងប្រទេសកម្ពុជានិងប្រទេសថៃ នឹងត្រូវលើកមកពិភាក្សា ព្រោះឥឡូវនេះ ប្រទេសថៃមានរដ្ឋាភិបាលនិងរដ្ឋសភាហើយ។ ភាគីកម្ពុជានឹងបន្តជម្រុញអោយមានដំណោះស្រាយមួយអោយបានឆាប់រហ័សបំផុត»។
ការតែងតាំងលោកកាសិត ពៀរ៉ុមយ៉ា ជារដ្ឋមន្រ្តីការបរទេស បានបង្កអោយមានការរិះគន់ជាច្រើននៅប្រទេសថៃ កាលពីខែធ្នូកន្លងទៅនេះ ដោយសាររដ្ឋមន្រ្តីរូបនេះធ្លាប់បានចូលរួមយ៉ាងសកម្ម ក្នុងបាតុកម្មតាមដងផ្លូវរបស់គណបក្សសម្ព័ន្ធប្រជាជនប្រជាធិបតេយ្យ ដែលទាមទារអោយលោកថាក់ស៊ីន ស៊ីណាវ៉ាត្រា ចុះចេញពីតំណែងជានាយករដ្ឋមន្រ្តីថៃ។
|
របបខ្មែរក្រហមនៅកម្ពុជាៈ យុវជនខ្មែរជឿត្រឹមតែ៥០%រឺ? (1)
