| ជនជាតិបារាំងប្រកួតកីឡាប្រដាល់ ក្បាច់គុនបុរាណខ្មែរ |
| ដោយ ឡូរ៉ង់ ឡឺហ្គូអង់វិក | |
| ១៣-០៥-២០០៨ |
លោក ហ្វីលីព សេប៊ៀរ (Philippe Sébire) គឺជាជនជាតិបារាំងសុទ្ធសាធ ព្រោះលោកមានភ្នែកទាំងគូពណ៌ខៀវ និងសព្វថ្ងៃ រស់នៅទីក្រុងប៉ារីស។ ដូច្នេះ គេប្រាកដជាគិតថាគ្រូបង្វឹករូបនេះនឹងបង្រៀនពីក្បាច់ប្រដាល់បារាំង តែមិនមែនក្បាច់ប្រដាល់ខ្មែរ(គុនខ្មែរ) ដែលមិនសូវជាមានគេស្គាល់នៅប្រទេសបារាំង។
ប៉ុន្តែ តាងនាមអោយប្រធានសមាគមបារាំង«គុនខ្មែរ» ដែលត្រូវបានទទួលស្គាល់ដោយសហព័ន្ធកីឡាប្រដាល់និងល្បុក្កតោកម្ពុជា លោកទើបតែនឹងផ្សព្វផ្សាយកម្មវិធីរួបរួមសាមគ្គីខ្មែរនៅលើអាំងទែរណែត ដើម្បីធ្វើការអំពាវនាវដល់ជនជាតិខ្មែរនៅប្រទេសបារាំង និងគ្រប់ជាតិសាសន៍ទាំងអស់ដែលមានចំណាប់អារម្មណ៍ស្រឡាញ់វប្បធម៌ខ្មែរ ចូលរួមវិភាគទានដល់សមាគមនេះ។ គោលបំណងរបស់លោកក៏ដូចជាភរិយាជនជាតិខ្មែររបស់លោកឈ្មោះ ម៉ុម គឺប្រមូលថវិកា ដើម្បីធ្វើការផ្សព្វផ្សាយកីឡាប្រដាល់បុរាណខ្មែរ នៅក្នុងប្រទេសបារាំង និងដើម្បីផ្លាស់ប្តូរក្បាច់ប្រដាល់នៃប្រទេសទាំងពីរទៅវិញទៅមក។
ការប្រកួតកីឡាប្រដាល់ប្រភេទនេះត្រូវបានរៀបចំឡើង ប្រកបដោយផ្លែផ្កាម្តងរួចមកហើយ ដោយមិនពឹងផ្អែកលើជំនួយឧបត្ថម្ភណាមួយឡើយ។ នៅថ្ងៃបន្ទាប់ពីការប្រកួតកីឡាប្រដាល់បុរាណខ្មែរដ៏ឧឡារឹកជាលើកដំបូង ដែលពុំធ្លាប់មានពីមុននៅអឺរុប និងដែលត្រូវបានរៀបចំធ្វើឡើងនៅពហុកីឡាដ្ឋាន Paris-Bercy កាលពីខែមិថុនា ឆ្នាំ២០០៧ គណៈកម្មាធិការសហព័ន្ធគុនខ្មែរមួយ ដែលមានក្បាច់គុនខុសពីកីឡាប្រដាល់ថៃ ត្រូវបានបង្កើតឡើងជាផ្លូវការ នៅក្នុងសហព័ន្ធកីឡាប្រដាល់គុនខ្មែរ ថៃ និងកីឡាដែលមានលក្ខណៈប្រហាក់ប្រហែលគ្នា (Fédération française de boxe khmer, thaï et disciplines assimilées)។
អ្នកការពារក្បាច់គុនបុរាណខ្មែររូបនេះ ព្រមជាមួយនឹងកីឡាករប្រដាល់ក្បាច់បុរាណខ្មែរទាំងជនជាតិបារាំងនិងខ្មែរមួយចំនួន ត្រៀមនឹងរៀបចំការប្រកួតប្រដាល់ផ្សេងទៀត។ គោលដៅសម្រាប់ឆ្នាំ២០០៨នេះគឺ ត្រូវរៀបចំការប្រកួតគុនខ្មែរថ្មី នៅថ្ងៃទី២៦ មិថុនា នៅទីក្រុងវ៉ាឡង់ស្យែនស៍ (Valenciennes) នៃភាគខាងជើងប្រទេសបារាំង ដោយមានការចូលរួមជាពិសេសពីសំណាក់កីឡាករជ័យ កុសល ដែលធ្វើដំណើរមកពីប្រទេសកម្ពុជា។ នៅខែកក្កដា កីឡាករប្រដាល់ជនជាតិបារាំងជាច្រើនរូបនឹងត្រូវធ្វើដំណើរមកកាន់ប្រទេសកម្ពុជា ដើម្បីមកធ្វើការសិក្សាស្វែងយល់បទពិសោធន៍ផ្សេងៗ ពីគ្រូបង្វឹកជនជាតិខ្មែរ។ ជំនួបផ្សេងៗទៀតនឹងកើតមាន ប្រសិនជាសេចក្តីអំពាវនៃការស្រឡាញ់កីឡាល្បុក្កតោនេះបានទទួលការគាំទ្រច្រើន។ សម្រាប់ព័ត៌មានបន្ថែម ស្តីពីកីឡាប្រដាល់បុរាណខ្មែរ គុនខ្មែរ ល្បុក្កតោ ប្រដាល់សេរី...
-វិបសាយរបស់សមាគមគុនខ្មែរ ដែលដឹកនាំដោយអ្នកស្រីម៉ុម និងស្វាមី គឺលោក ហ្វីលីព សេប៊ៀរ និងដែលស្ថិតនៅក្រោមឱវាទរបស់សហព័ន្ធកីឡាប្រដាល់គុនខ្មែរ ថៃ និងកីឡាដែលមានលក្ខណៈប្រហាក់ប្រហែលគ្នា
-ប្រវត្តិនិងច្បាប់នៃកីឡាប្រដាល់ខ្មែរ នៅលើវិបសាយយុវជនខ្មែរ
- សូមបើកមើលវិបសាយនៃប្រទេសអូស្រ្តាលី ស្តីពីកីឡាប្រដាល់ខ្មែរ ជាភាសាអង់គ្លេស http://www.kunkhmer.org/site/
-ស្ថានីយទូរទស្សន៍នៅកម្ពុជាចំនួនពីរ គឺស្ថានីយទូរទស្សន៍ប៉ុស្តិ៍លេខ៥ និង បណ្តាញទូរទស្សន៍កម្ពុជា
|
របបខ្មែរក្រហមនៅកម្ពុជាៈ យុវជនខ្មែរជឿត្រឹមតែ៥០%រឺ? (1)
