| ថៃបានពង្រឹងកម្លាំងទាហានបន្ថែមនៅតាមព្រំដែន ជាមួយនឹងប្រទេសកម្ពុជា |
| ដោយ រស់ ឌីណា | |
| ២៣-០៧-២០០៨ |
យោងតាមប្រភពពីប្រជាជនកម្ពុជា នៅល្ងាចថ្ងៃនេះ ទីភា្នក់ងារសារព័ត៌មានអន្តរ ជាតិជាច្រើនបានកត់សម្គាល់និងលើកឡើងពីការពង្រឹងចំនួនទាហានថៃបន្ថែមទៀត នៅតាមច្រកព្រំដែនជាមួយនឹងប្រទេសកម្ពុជា គឺមិនត្រឹមតែនៅក្នុងតំបន់ជម្លោះ ក្បែរប្រាសាទព្រះវិហារប៉ុណ្ណោះទេ ប៉ុន្តែ ក៏មាននៅតាមតំបន់ព្រំដែនផ្សេងទៀតផងដែរ។
អាជ្ញាធរថៃបានបដិសេធទៅនឹងការអះអាងខាងលើនេះ។ ទាំងលោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីទទួលបន្ទុកសំណុំរឿងប្រាសាទព្រះវិហារ ទាំងលោកទៀ បាញ់ រដ្ឋមន្ត្រីក្រសួងការពារជាតិ សុទ្ធតែជាប់រវល់មិនអាចផ្តល់ព័ត៌មានជុំវិញបញ្ហានេះបាន នៅល្ងាចថ្ងៃពុធនេះ។
មន្ត្រីប៉ូលីសម្នាក់សុំមិនបញ្ចេញឈ្មោះ ដែលប្រចាំការនៅច្រកទ្វារព្រំដែនប៉ោយ ប៉ែត បានរាយការណ៍ប្រាប់ កាសែត ថា«ប្រទេសថៃបានដាក់ពង្រាយកម្លាំងនៅច្រកព្រំដែន តាំងពីថ្ងៃចរចារគ្នារវាងប្រទេសទាំងពីរមកម្ល៉េះ (ថ្ងៃច័ន្ទ ទី២១ កក្កដា)។ «គាត់បានគូសបញ្ជាក់ថា «ភាគីថៃនៅតែបន្តពង្រឹងកម្លាំងរបស់ខ្លួនបន្ថែមទៀត»។ ប៉ូលីសរូបនេះបានអះអាងថាកងកម្លាំងប្រដាប់អាវុធថៃក៏បានធ្វើរបងបន្លាបន្ថែមផងដែរ។ ប្រភពតែមួយនេះបានបន្ថែមទៀតថា «នៅពេលខ្ញុំសួរទាហានថៃ ពីមូលហេតុនៃការធ្វើរបងនេះ ពួកគេបានឆ្លើយប្រាប់ខ្ញុំវិញថា គេធ្វើដើម្បីការពារជនអន្តោប្រវេសន៍ខ្មែរខុសច្បាប់»។ គាត់បានបញ្ជាក់ថា «ប្រទេសកម្ពុជាបានរក្សាកម្លាំងប្រដាប់អាវុធរបស់ខ្លួននៅព្រំដែនជាធម្មតា»។
ម្យ៉ាងវិញទៀត ប្រភពមួយមកពីប៉ូលីសក្រុងប៉ៃលិន (ខេត្តបាត់ដំបង ជាប់នឹងព្រំដែនថៃ) បានគូសបញ្ជាក់ថា កងកម្លាំងថៃក៏បានដាក់របងបន្លាការពារជារៀងរាល់យប់ផងដែរ នៅត្រង់ចំណុចឆ្លងកាត់ប្រទេសទាំងពីរ។ សកម្មភាពនេះមិនធ្លាប់កើតមានឡើងពីមុនមកទេ។
|
របបខ្មែរក្រហមនៅកម្ពុជាៈ យុវជនខ្មែរជឿត្រឹមតែ៥០%រឺ? (1)
